അവസ്ഥാന്തരങ്ങള്‍

കോളിംഗ് ബെല്‍ എത്രയടിച്ചിട്ടും ആരും വരാണ്ടായപ്പോള്‍ ചാരിക്കിടന്ന വാതില്‍ തുറന്ന് അകത്ത് കയറിയ സംഗീത ഒന്ന് പകച്ചു. സോഫയിലും ഡൈനിങ്ങ്‌ ടേബിളിലും ടീപ്പോയിലും ഒക്കെ നിരന്നിരിക്കുന്ന മദ്യക്കുപ്പികളും ഗ്ലാസും, വലിച്ചു വാരി ഇട്ടിരിക്കുന്ന തുണികളും, ഫുഡ്‌ വേസ്റ്റും. അനൂപിനെ അവിടെയെങ്ങും കാണാത്തതുകൊണ്ട് അവന്‍റെ മുറിയിലേക്ക് നടന്നു. കതക് തുറന്ന് അകത്ത്‌ കയറിയപ്പോള്‍ മൂക്കിലേക്ക് അടിച്ചു കയറിയത് കഞ്ചാവിന്റെയും മദ്യത്തിന്‍റെയും സിഗരറ്റിന്റെയും രൂക്ഷ ഗന്ധം, ആ മുറിയുടെയും അവസ്ഥ വ്യത്യസ്തമല്ല.